Plot 166 kg kanabis ka sekuestruar policia greke, në një operacion të zhvilluar pasditen e së enjtes në kufirin e gjelbër mes Shqipërisë dhe Greqisë.
Sipas deklaratës zyrtare të policisë, një 39-vjeçar shqiptar është vrarë, pas përplasjes me armë të trafikantëve të drogës me efektivët. Po ashtu dhe një polic grek është plagosur dhe ndodhet jashtë rrezikut për jetën.
Shqiptarët u pikasën në një fushë në Vissani dhe pas paralajmërimit hapën menjëherë zjarr ndaj policisë. Veç sasisë së drogës autoritetet greke gjetën dhe 2 kallashnikov, ndërsa aksioni vazhdon pasi ka dyshime se tre shqiptarë të tjerë kanë qenë të përfshirë.
Shfaq Komentet (0)